Nagpahibalo si Talisay City Mayor Samsam Gullas ngadto sa mga Talisaynon nga kasamtangang suspenso ang klase sa tanang public schools sa Talisay, samtang nagpadayon pa ang pagpang-inspect sa tanang public establishments ug school buildings sa Talisay.
Ang maong lakang nga gipatuman ni Mayor Gullas nunot sa linog nga nabatian sa Sugbo ilabi na niadtong Oktobre 10 nga linog nga niigo sa Manay, Davao Oriental, apan, labihan gihapon ang nabating pagtay-og sa Sugbo ug naatlan pa nga ang Talisay, nagpahigayon og face-to-face classes.
Matod pa sa iyang pahibalo, ang maong lakang nagtumong sa pagsiguro sa kaluwasan sa tanang estudyante, magtutudlo, ug ingun man ang mga school personnel.
Subay niini, gikabutyag usab niya nga gimandoan na ang City Engineering Office sa pagpang-inspection sa tannang mga pampublikong establishemento, partikular na sa syudad nga gisakopan niini.
Dugang niya ang inspection sugdan na usab sa dili madugay ilabi na nga dili lang kini yanong mahuman sulod sa usa ka adlaw.
Samtang, giklaro usab ni Gullas nga nakasabut siya sa nagpabiling kabalaka human sa linog, mao nga nakadesisyon kini nga siguruon ang safe and stable nga mga edipesyo sa dili pa hingpit mabalik ang face-to-face classes.
Apan, giklaro usab niini nga alang adtung mga pribadong tunghaan ug sa Talisay City College, ang maong desisyon kung padayon ba ang face-to-face class o dili, anaa na ang desisyon kabahin niini sa nagkadaiyang administrators sa matag tunghaan subay usab sa ilang pagpang-inspect sa matag tunghaan.
