Nagbinayloay og mainit nga diskusyon sila si Sen. Kiko Pangilinan ug Sen. Rodante Marcoleta og mga panan-aw bahin sa eksaktong mga koordinasyon sa West Philippine Sea.
Kini kabahin sa interpellation sa Senate Resolution No. 256 nga nagtumong sa pagpahayag sa pagkondenar sa Senado sa mga publikong pahayag sa Embahada sa China batok sa mga opisyal ug institusyon sa Pilipinas, ug sa pagpalig-on sa soberanong mga katungod sa atong nasud.
Matud ni Marcoleta nga gusto niini nga espesipikong mahibal-an ang gilapdon sa West Philippine Sea tungod kay kung dili, mahimong maglisod ang Pilipinas sa pagdepensa kung unsa ka lapad ang depensahan sa nasud.
Apan, tubag ni Pangilinan nga dili na kana kinahanglan nga depensahan gumikan atoa na ang WPS, kini human sa desisyon sa international arbitral tribunal busa, wala nay angay depensahan.
Dugang ni Kiko nga nasulbad na kini ug pabor kanato.
