Gikalipay ni Senate Majority leader ug Senate Special Committee on Maritime and Admiralty Zones chairman Senador Francis Tolentino ang pag-ila sa Google Maps sa West Philippine Sea.
Matod ni Tolentino, kini nga kalamboan nagpakita sa nagkadako nga pag-ila sa WPS sa internasyonal nga komunidad ug mga respetadong institusyon.
Dugang niini nga makonsiderar kini nga kadaugan sa matag Filipino.
Ingon man nga nagpamatuod usab kini nga sakto ang polisiya karon sa gobyerno subay sa international law ug sa prinsipyo sa multilateralism.
Gihatagan og gibug-aton ni Tolentino nga ang lig-on nga suporta nga nadawat sa Pilipinas gikan sa lain-laing mga nasud, lakip na ang mga nag-unang ekonomiya sama sa Estados Unidos ug European Union, diim importante alang sa atong posisyon sa WPS.
Gitumbok usab sa magbabalaod nga gawas sa atong gobyerno, ang aktibong online presence ug patriotismo sa mga Pilipino dako usab og bahin sa pag-uswag sa posisyon sa Pilipinas.
Nanghinaot si Tolentino nga ang Google Maps sunod makaila sa Philippine Plateau, nga karon nailhan nga ‘Benham Rise’ sa app.
