Gitanyagan ang mga miyembro sa Social Security System (SSS) nga naapektuhan sa Bagyong Tino nga mamahimong mopahimulos sa Calamity Loan Program (CLP) sa ahensya gumikan sa nasinati nga kaylap nga kadaot nga gipahinabo sa bagyo.
Matud ni SSS President and Chief Executive Officer Robert Joseph Montes De Claro nga ang mga kwalipikado nga miyembro mahimong mag-aplay alang sa calamity loan gikan sa Nobyembre 6 hangtod Disyembre 5.
Dugang niini nga ang CLP nagtumong sa pagtabang sa pagtubag sa mga kinahanglanon sa mga biktima ug pagtabang sa mga paningkamot sa pagtukod pag-usab taliwala sa nagpadayon nga mga operasyon sa pagbangon.
Nipadayag usab kini nga nasabtan nila kung unsa ka dako ang kausaban sa kinabuhi sa kadaot nga gidala sa Bagyong Tino sa mga trabahante ug sa ilang mga pamilya sa Cebu, hinungdan nga ang ilang prayoridad mao ang paghatag og suporta aron matabangan sila nga makabangon pag-usab.
Subay niini, ang mga kwalipikado sa loan, kay ang mga miyembro nagpuyo o nagtrabaho sa usa ka lugar nga gideklarar ubos sa state of calamity, adunay labing menos 36 ka monthly contributions nga adunay labing menos unom ka kontribusyon sulod sa miaging 12 ka bulan, ug walay nangaging due o restructured nga mga loan.
Ang mga aplikante kinahanglan usab nga ubos sa 65 anyos, walay final benefit claim, ug walay rekord sa pagpanglimbong batok sa SSS.
Ingon man nga ang mga interesado nga miyembro kinahanglan nga mag-file og online application pinaagi sa ilang online account.
