CEBU CITY-Nailhan na sa kapulisan ang mga suspect sa pagtusok sa mata sa Dentista, hinungdan nga giandam na sa Abellana Police Station ang kaso nga ipasaka sa mga suspetsado, kinsa nitusok sa duha ka mga mata sa usa ka denstista sulod sa iyang klinika sa Barangay Kamputhaw niadtong Miyerkules sa hapon, Hulyo 5, 2023.
Kini ang gitino ni Police Lt. Col. Gerard Ace Pelare, ang tigpamaba ni Police Brigadier General Anthony Aberin, hepe sa PNP sa Central Visayas nga nailhan na ang mga suspetsado.
Subay niini, gihikay na ang mga dokumento alang sa pagpasaka og kaso kanila.
Wala hinuon mo hingalan si Pelare kon kinsa kini apan giingong kaila ang biktima nga si Charles Sia sa mga suspect.
Una nang gipanglantawan sa kapulisan sa Dakbayan sa Sugbu nga pangpanghadlok ug Personal Grudge ang hinungdan sa pagtusok sa hait nga butang sa mata sa usa ka dentista kinsa gisulod sa duha ka wa mailhing tawo sa iyang klinika.
