-- ADVERTISEMENT --
CEBU CITY-Padalhan og imbitasyon sa kagamhanang dakbayan sa Sugbo si Suspended Cebu City Mayor Michael Rama alang sa Opening Ceremonies sa 2024 Palarong Pambansa sa umaabot Hulyo 9, kini matod pa ni Cebu City Acting Mayor Raymond Alvin Garcia.
Giklaro ni Acting Mayor Garcia nga bisan pa sa pagka-suspenso ni Mayor Rama kay aduna gihapon kiniy kalabutan sa kalambuan sa preparasyon sa Palaro sukad sa pag-bid niini sa milabay nga tuig.
Dugang pa niya nga ang imbitasyon niya ni Rama kay usa ka simbolo sa pakighiusa sa dakbayan og ingon man wala siyay bikil sa na-suspenso nga mayor taliwa sa mga gikataho nga panagtab-ang sa ilang paghinigala-ay.
