Opisyal na nga gikasal ang pop superstar nga si Taylor Swift ug ang American football player nga si Travis Kelce niadtong Biyernes sa gabii, Hulyo 3, 2026, sa usa ka maluho nga seremonya sa Madison Square Garden (MSG) sa New York City.
Ang ilang suod nga higala ug komedyante nga si Adam Sandler ang nag-opisyal sa seremonya.
Bisan tuod ang mga pagpangandam nakakuha og mga pagsaway ug reklamo gikan sa pipila ka mga residente, ang gitawag nga “wedding of the century” kay nagmalampuson.
Ang kasal nakakuha og grabeng pagsaway gikan sa publiko ug mga motorista tungod kay ang mga dalan sa palibot sa Madison Square Garden gisirado.
Naapektuhan niini ang trapiko sa Midtown Manhattan sa Fourth of July long weekend.
Uban sa kapin 1,000 ka mga celebrity guest, usa sa pinakabusy nga transit hubs sa New York gilibutan sa dagkong mga kurtina, mga barikada, ug mga checkpoint sa New York Police District, nga nakapasuko sa mga regular nga commuter.
Ang ubang mga netizens sa social media misaway usab sa sobra nga atensyon sa media nga gihatag sa kasal, nga gitawag kini nga “usa ka dako nga komedya” kung adunay mas importanteng mga isyu sa kalibutan.
Ang magtiayon wala nagsunod sa tradisyon. Hinuon, ang igsoon ni Taylor nga si Austin Swift mao ang nagsilbing Man of Honor, samtang ang igsoon ni Travis nga si Jason Kelce mao ang Best Man.
Ang bag-ong kasal parehong nagsul-ob og custom Christian Dior Haute Couture nga gidisenyo ni Jonathan Anderson, gipares sa custom Christian Louboutin nga sapatos. Naa pud mga alahas sa Cartier para sa mag-aawit.
Human sila gikasal, ang mga higanteng screen sa gawas sa MSG ug bisan ang Empire State Building kalit nga misiga sa pink ug lavender nga adunay mga pulong nga “JUST&T MARRIED!” aron ipahibalo kini sa tibuok siyudad.
