Gipauswag sa United Nations ug ang mga kasosyo niini sa Lebanon ang ilang mga paningkamot aron mahatag sa mga tawo ang mga tabang taliwala sa nagpadayon nga kagubot.
Usa ka humanitarian convoy, nga gilangkuban sa mga ahensya sa UN ug non-government organizations (NGOs) ug gisuportahan sa Office for the Coordination of Humanitarian Affairs (OCHA), naghatud sa kritikal nga tabang sa Nabatieh Governorate diin naglakip sa mga ready-to-eat meals, hygiene kits ug solar lamps.
Hangtod ning higayuna, ang United Nations kay nagpadala og tabang pinaagi sa walo ka humanitarian convoy arun maabot ngadto sa mga bahin sa Lebanon.
Ingon man sa habagatan sa Lebanon, ang United Nations Children’s Fund (UNICEF) naghatag og hinungdanon nga mga suplay aron suportahan ang emergency nga pag-ayo sa mga pasilidad sa tubig nga nadaot sa pagpamomba, nga nakaapekto sa kapin sa 360,000 ka mga tawo.
Sa pikas bahin, gisuportahan sa World Health Organization (WHO) ang mga awtoridad sa panglawas sa Lebanese sa pagbakuna sa mga bakwit nga bata batok sa polio, tipdas, bakos ug rubella.
