Nahugno ang usa ka under-construction building sa Barangay Balibago, Angeles City gahapong adlawa.
Sumala sa inisyal nga impormasyon gikan sa kapitan sa barangay, ang pagkahugno nahitabo taliwala sa kusog nga ulan ug kusog nga hangin nga mihapak sa lugar.
Dali usab nga nakarespondi ang mga otoridad, ingon man nga mipahigayon og overnight search-and-rescue operations alang sa gibanabanang 20 ka tawo nga gituohang natanggong pa sa ilalom sa nahugno nga building.
Gikanayon ni Jay Pelayo, public information officer sa Angeles City nga ang mga rescue operations dili mohunong samtang ang mga timailhan sa kinabuhi nadawat gikan sa posibleng mga nakaluwas sa ilalom sa mga kagun-oban.
Dugang niya nga ang lain-laing mga local government units miabag usab sa mga paningkamot sa pagluwas samtang ang dagkong mga floodlights ang gipadala sa lugar aron suportahan ang mga operasyon sa overnight.
Sumala sa mga awtoridad, kadaghanan sa mga nawala mga construction worker.
Sa pagkakaron, usa pa lang ang kumpirmadong namatay, ug gituohan nga usa ka Malaysian tourist nga nagpuyo sa usa ka apartelle tupad sa nahugno nga building.
Giklaro usab ni Pelayo nga ang kasamtangang gidaghanon sa mga nawala kay 20 lang ug dili 23 sama sa unang gitaho.
