Gipatawag sa Denmark ang pinakataas nga diplomat sa US human migawas ang mga taho nga tulo ka mga Amerikano, nga giingong konektado kang U.S President Donald Trump ang nalambigit sa ”influence operations” o mga pagsulay sa pag-impluwensya sa politika sa Greenland.
Sumala sa Danish Foreign Minister nga si Lars Løkke Rasmussen, dili ikatingala nga adunay mga langyaw nga mga nasud nga interesado sa pag-impluwensya sa Greenland, apan siya miingon nga ang bisan unsang pagpanghilabot sa internal nga mga kalihokan sa Gingharian sa Denmark dili madawat.
Gikumpirmar sa Departamento sa Estado sa US nga usa ka miting ang nahitabo tali sa Danish Foreign Ministry ug US Chargé d’Affaires Mark Stroh, apan nagdumili sa pagkomento sa mga aksyon sa mga pribadong Amerikano nga lungsuranon sa Greenland.
Kung kahinumduman nga balik-balik nga gipahayag ni Trump ang iyang tinguha nga paliton ang Greenland, nga kusganong gisupak sa mga opisyal sa Denmark ug Greenland.
Sumala sa Danish Security and Intelligence Service, adunay mga pagsulay sa pagdaot sa mga relasyon tali sa Denmark ug Greenland pinaagi sa “mga kampanya sa impluwensya” ug disinformation.
