Gipirmahan ni US President Donald Trump ang iyang flagship tax ug spending bill nga mahimong balaod kaniadtong Biyernes (oras sa Amerika), nga nagtapos sa usa ka seremonyas sa White House Independence Day.
Matod pa ni Trump nga makasaysayanong ang maong pagduso sa iyang flagship tax ug spending bill nga gihulagway isip dakong kadaogan sa iyang kampo og gitawag nga “One Big Beautiful Bill”.
Ang Republican party nga maoy nagduso sa balaodnon pinaagi sa usa ka nagpanuko nga mosyon sa Kongreso kaniadtong Huwebes nga na-timing sa pagpirma ni Trump atol sa 4th of July holiday niini nga nagtimaan sa ika-249 nga adlawng natawhan sa America.
Gani, duha ka B-2 air bomber nga bag-o lang miigo sa Iranian nuclear sites ang milupad sa airspace sa White House sa pagsugod sa seremonya, inubanan sa mga fighter jet sa ilang wingtips.
Ingon man nga ang mga piloto nga nagpahigayon sa pagpamomba sa Iran kay lakip sa mga giimbitar sa kalihokan sa White House.
Ang pagpasar sa unpopular nga balaudnon nagtakuban sa duha ka semana nga hinungdanon nga mga kadaugan alang ni Trump, lakip ang usa ka ceasefire sa Iran ug Israel nga gisilyohan pagkahuman sa gitawag niya nga “flawless” nga pag-atake sa US ngadto sa Iran.
Ang halapad nga mega-bill nagpasidungog sa daghang mga saad sa kampanya ni Trump: ang pagpalugway sa mga pagtibhang sa buhis gikan sa iyang unang termino, pagpausbaw sa paggasto sa militar ug paghatag og dagkong bag-ong pondo alang sa migranteng deportasyon nga polisiya ni Trump.
