NAGA, CEBU- Nasikop sa mga personahe sa National Bureau of Investigation Central Visayas (NBI-7) ang usa ka babaye human sa giingong pagpamaligya og peke nga mga government IDs sama sa BIR-TIN cards ug PhilHealth Cards atol sa nahitabong entrapment operation niini.
Giila ang dinakpan nga si Verlyn Subrian, 29-anyos, usa ka inahan ug lumulupyo sa Barangay West Poblacion, dakbayan sa Naga sa habagatang bahin sa Sugbo.
Ang maong operasyon nagsubay sa nadawat nga reklamo sa Bureau of Internal Revenue – Central Visayas (BIR-7) diin adunay nagpadagan sa pagluwat og illegal nga pag-imprinta ug pagpamaligya sa mga peke nga dokumento.
Nagkantidad ang mga giingong peke nga mga cards sa P150 ngadto sa P450 og aduna pay usbaw sa higayong ipa-request nga rush kini.
Matod pa ni Atty. Rennan Augustus Oliva, ang Regional Director sa NBI-7 nga subay sa ilang padayong imbestigasyon sa kaylap nga pagpamaligya sa mga peke nga dokumento kay posibling may kalambigitan kini sa ga langyaw nga gusting mamatigayon sa nasud.
Dugang ni Oliva nga may mga lugar usab sa Sugbo nga ilang gibantayan nga possibling hubs sa mga negosyante og peke nga ID cards.
Ang dinakpan daling mihimakak nga sa gipasangil batok kaniya.
Tungod sa maong panghitabo, mag-atubang kini sa kalapasan sa Falsification of Documents ug Computer Related Forgery.
Nanawagan usab ang mga awtoridad sa publiko sa dili pagpamalit sa mga pekeng dokumento og mu-proseso lang sa sa mga awtorisadong branches sa ahensya sa gobyerno.
