PANGLAO, BOHOL-Mikatap ang usa ka video online nga nagpakita sa mga opisyal sa LTO-7 sa Panglao, Bohol nga giingong nanghasi sa usa ka lalaki nga nagmotorsiklo.
Makita sa video, ang mga naka-uniporme nga opisyal miduol sa lalaki ug misuway sa pagdakop kaniya tungod sa pagdala og kutsilyo sa pampublikong lugar.
Sa dihang nakuha na ang kutsilyo, padayon nilang giguyod ang lalaki panaog sa motor ug gisuwayan pagdakop. Misukol ang lalaki ug balik-balik nga niingon nga usa siya ka mag-uuma.
Pagkahuman sa pagpagawas sa video, gipaambit ni kanhi Bise Mayor Velasco sa lokal nga media nga ang tawo nga gikuwestiyon ug gidakop kay iyang igsoon.
Gihisgutan usab niya nga ang iyang igsuon naila nga nagdala og sundang kay nagtrabaho kini isip mag-uuma ug nanag-iya og uma sa ilang lungsod.
Gani, ag maong panghitabo kay nakaani og daghang pagsaway tungod sa walay puangod nga aksyon nga gihimo sa mga opisyales.
Samtang, miluwat na og pamahayag ang buhatan sa Land Transportation Office Region 7 diin daling gisuspendi ang tanang law enforcement operations sa Bohol Province nga nalambigit sa maong insidente ug gi-withdraw ang field enforcement officers gikan sa lugar samtang naghuwat sa hingpit nga imbestigasyon sa maong butang.
Ingon man nga nangayo na usab sila og pasaylo sa publiko ug mipasalig nga masunod ang tukmang proseso aron masulbad ang maong isyu.
