Gihatagan og palugit sa Department of Justice (DOJ) si kanhi Ako Bicol Party List Rep. Elizaldy Co hangtod Enero 15 aron mopasaka og counter-affidavit sa kasong plunder nga gisang-at batok kaniya.
Sumala sa tigpamaba sa DOJ nga si Polo Martinez, wala diha ang abogado ni Co atol sa preliminary investigation, busa gihatagan siya og lugway aron motubag sa reklamo.
Kini ang unang kasong plunder nga gisang-at sa National Bureau of Investigation (NBI) batok kang Co sa DOJ, bisan pa man og aduna siyay laing kaso nga giimbestigahan karon.
Ubos sa Anti-Plunder Act, ang plunder mao ang pagpangawat sa labing menos P75 milyon nga nakuha nga bahandi pinaagi sa sunod-sunod nga ilegal nga mga buhat.
Ingon man nga usa ka warrant of arrest ang gi-isyu kaniadto batok kang Co ug 17 pa sa kaso sa malversation nga nagkantidad og P289.5 milyon nga may kalabotan sa usa ka proyekto sa pagkontrol sa baha sa Mindoro.
