MEXICO-Nakapatay og 10 ka mga tawo ang mga armadong lalaki sulod sa usa ka bar sa Mexico sa Queretaro.
Ang insidente nahitabo sa usa ka bar sa downtown area sa kapital sa estado diin kalit ng misulod ang upat ka armadong lalaki ug napusilan-patay gayud ang pito ka lalaki ug tulo ka babaye, sumala sa state attorney general ug sa Queretaro city security chief.
Samtang, laing pito ka mga tawo ang nasamdan.
Ingon man nga usa sa mga armadong lalaki kay anaa na sa kustodiya sa kapulisan, apan padayon pa ang ilang pagsubay diin gitumbok pa sa mga otoridad nga adunay usa ka sakyanan nga gituohang nalambigit sa insidente nga anaa duol sa panghitabo.
Nakahatag kini og kabalaka sa kadaghanan gumikan nailhan ang Queretaro nga dili prone sa high levels sa violent crime sama sa homicide, ug gikonsiderar nga mas luwas kon itandi sa laing bahin sa Mexico.
Ingon man nga ang Mexico kay nag-atubang sa usa ka krisis sa seguridad nga nalambigit sa organisado nga krimen ug nakiggubat sa droga, ug kana ang usa sa labing dinalian nga mga hagit alang sa bag-ong Presidente sa Mexico nga si Claudia Sheinbaum.
