Balhog sa presohan ang 17-anyos nga menor de edad human naghimo og malaw-ay ngadto sa usa ka 30-anyos nga PWD sa Sitio Riverside, Brgy., Hipodromo, ning dakbayan sa Sugbo.
Atol sa pakighinabi sa Bombo Radyo Newsteam kang PCOL. Sandra Villabas, WCPD investigator Mabolo PS, basi sa nakuhang impormasyon sa kapulisan gikan sa amahan nga nangita kini sa iyang anak ug sa dihang pagtan-aw sa usa ka bakante nga kwarto sa ilang balay kay naabtan niini ang menor de edad nga nag-atubang sa iyang anak samtang nagduwa sa iyang kinatawo.
Sa pagkakaron, anaa na kini sa Mabolo Police Station 4 Cebu City Police Office (CCPO) ug gipahibalo na ang suspek sa matang sa iyang kalapasan, ingon man nga nag-atubang kini sa kasong Acts of Lasciviousness.
Sa pikas bahin, gipadakop ang 32-anyos nga lalaki sa iyang kanhi kaipon tungod sa giingong pagpangulata.
Ingon man nga nidepensa ang suspek nga daw kanunay magselos ang babaye bisan nahupas ang ilang panaghigugmaay. | via Bombo Koky Cabatingan
