CEBU CITY-Nagtingkagol karon sa prisohan sa Abellana Police Station 2 ang usa ka 21-anyos nga lalaki human gitumbok nga manglugos sa 15-anyos nga dalagitang silingan niini sa Barangay Sambag 2, ning dakbayan sa Sugbo sulod sa kaugalingong CR pasado alas 3 sa hapon niadtong adlaw sa Sabado, Enero 11, 2025.
Ang dinakpan giila lang sa alyas nga “Pinot” nga lumulupyo sa maong dapit kinsang nadakpan sa mga barangay tanod og giturn-over sa mga kapulisan sa hurisdiksyon sa Cebu City Police.
Base sa imbestigasyon sa mga awtoridad nga nakigchat pa si Pinot sa biktima nga paadtuon sa iyang balay gipuy-an kay adu daw kiniy ganahan itunol.
Sa higayong niadtong na ang 15-anyos nga dalagita sa balay sa dinakpan nga gitugyanan kining musulod sa CR og didto na nahitabo ang krimen.
Gilockan pa sa suspek ang maong CR nga pugsanon mihubo sa saplot sa biktima.
Hinungdan nga daling mitahan ang biktima sa ilang barangay aron mangayo og tabang sa krimen pagpanamastamas kaniya.
Dali usab miresponde ang sakop sa barangay tanod nga naabtan pa nila ang suspek sa balay niini nga karon nagyakmuyo nalang sa prisohan sa Abellana Police Station.
Gipaubos na sa stress debriefing sa Women and Children Protection Desk ug ikatakdang ipaubos sa Pink Room Examination sa Vicente Sotto Memorial Medical Center (VSMMC).
Sa pagkakaron, giandam na sa mga kapulisan ang tukmang kasog ipasaka sa suspek nga Rape ug Child Abuse.
