CANDIJAY, BOHOL-Gilugos sa iyang kaugalingon anak ang usa ka 61-anyos nga byudang babaye sa lungsod sa Candijay, probinsya sa Bohol niadtong adlaw sa Biyernes, Septiyembre 27, 2024.
Ang suspek nga si “Doming”, dili niya tinuod nga pangalan, nga usa ka 40-anyos nga lalaki daling nadakpan sa mga kapulisan sa maong lungsod.
Nahitabo ang insidente sulod mismo sa ilang panimalay alas 5 sa kabuntagon sa naasoy nga adlaw.
Ang biktima nga si “Lola Rosa”, dili niya tinuod nga pangalan, daling mihangop sa kapulisan aron sa pag-report sa krimen sa iyang anak.
Matud pa nga ex-convict o kanhi piniriso si “Doming” sulod sa 14 ka tuig sa kasong murder ug acts of maliciousness og bag-o lang kini nakagawas sa prisohan niadtong Septiyembre 18, 2024.
Subay pa sa inisyal nga imbestigasyon sa kapulisan nga hubog miuli ang suspek sa ilang panimalay ug midulog sa naghinanok niyang inahan ug didt gibuhat ang pagpanglugos.
Human sa pagpanghilabot sa suspek sa iyang inahan, mipakita pa kini sa hulagway nga nagtulo ang luha sa gibuhat niini sa iyang inahan.
Nanghulga pa kini nga patyon ang inahan kung higayong mureklamo kini sa mga awtoridad apan nakadesidir ang biktima nga mukab-ot na sa kamot sa hustisya.
Nasikop sa manhunt operation sa mga kapulisan ang suspek og miangkon kini sa iyang nabuhat nga krimen.
Desididong mupasaka og kaso ang biktimang inahan ngadto sa iyang kriminal nga anak.
