CEBU CITY — Pagkaon, tubig, higdaanan, ug uban pang mga basic needs ang gikinahanglan karon sa mga biktima sa linog nga niigo sa Mindanao.
Kini human nga mibisita si Cebu City Councilor Dave Tumulak sa Magsaysay, Tulonan ug Makilala North Cotabato aron sutaon ang sitwasyon sa mga biktima.
Matud sa konsehal nga lisod ang kahimtang sa mga biktima sa linog diin daghan ang nangasakit gumikan kay wala silay tarong nga kahigdaan ug nasinating trauma.
Mihangyo si Tumulak sa mga muhatag ug hinabang nga ipaagi sa command center o LGU sa maong lugar para mabahin og tarong ang mga hinabang.
Sa laing bahin, gibutyag ni Tumulak nga igo na ang P10-Milyones nga hinabang gikan sa Cebu City government ngadto sa pipila ka mga lugar sa Minadanao.
Apan, matud pa, dili na pasobraan pa kay nagkinahanglan usab ang Cebu City og calamity fund kun ugaling maigo ang mga dakong katalagman sa dakbayan. (gn/lq)
