Gihimong dakong garbo alang ni Presidente Rodrigo Duterte ang pagtambong niini sa Sinulog 2020 grand parade diin giila gayud kii sa tibuok kalibutan.
Atol iyang speech sa grand parade sa nga gipahigayon kagabii sa Cebu City Sports Complex, nagkanayon kini nga hilabihan ang gugma niini ngadto sa uban pang mga Sugbuanon.
Kini gumikan kay, matud pa, usa kini ka kaliwat sa mga Sugbuanon diin proud usab niya kini nga gi-angkon.
Matud ni Duterte nga tuyo niyang gibisita ang selebrasyon sa Sinulog gumikan sa gugma niini ngadto sa mga Cebuano.
Gipasalamatan usab ni Duterte ang mga Sugbuanon tungod sa makalilisang suporta sa nakalabay nga piniliay.
Kini na ang labing unang pagbisita ni Duterte sa Sinulog human sa tulo ka tuig niyang pagdumala sa nasud isip presidente.
