CEBU CITY — Gikumpirmar ni Cebu Provincial Governor Gwendolyn Garcia nga lakip sa tulo ka mga bag-ong kaso sa COVID-19 ang duha ka mga medical frontliners.
Atol sa virtual presser sa gobernadora kagahapon, gibutyag niini nga nagagikan sa Talisay City ug lungsod sa Minglanilla ang mga medical workers kinsang natakbuyan sa maong virus.
Kasamtangang nagpaalim sa tagsa-tagsa ka mga tambalanan ang nahisgutang pasyente.
Anaa na sa 58 ang total confirmed cases sa Cebu Province.
Sa dakbayan sa Mandaue, wala silay natalang bag-ong kaso sa COVID-19 ug nagpabilin sa 110 ang ihap sa mga natakdan.
Samtang niabot na sa 50 ang total confirmed cases sa coronavirus sa Lapu-Lapu City human nga nadugangan og duha ka mga bag-ong kaso.
Samtang nagpabilin pa sa 1,687 ang total confirmed cases sa COVID-19 sa dakbayan sa Sugbo.
Anaa na sa 1,905 ang kinatibuk-ang ihap sa mga nagpositibo sa COVID-19 sa tibuok isla sa Sugbo
