CEBU CITY-Gipahibalo ni Atty. Rey Galeon ang tigpamaba ni Cebu City Mayor Edgar Labella ang criteria sa mga ihatag nga hinabang bugas alang sa mga jeepney drivers sa dakbayan sa Sugbo.
Matud pa niini nga siguroon nga kini sila wala mangilad ug legit gyud nga jeepney driver.
Kinahanglan matud pa nga makapakita kini og certification nga usa kini ka driver sanglit nakig-alayon na ang buhatan ni Mayor Labella sa buhatan sa Land Transportation Franchising and Regulatory Board (LTFRB-7) aron sa pagverify ug pagvalidate kung usa ba gyud ka driver ang boot mu-avail sa maong hinabang.
Dugang pa niini, kinahanglan usab nga miyembro ang usa ka driver sa kooperatiba sa mga jeepney drivers sa Sugbo ug angayang makakuha og papel nga magpamatuod niini.
Subay niini mipasalig ang mayor nga matagaan gyud ang mga driver og special permit aron nga makabalik na kini sa ilang panginabuhian.
