CEBU – Mokabat lang sa 60 ngadto sa 300 ka mga indibidwal ang nagpabakuna sukad kagahapong adlawa hangtud karun subay sa laing hugna sa national vaccination drive.
Gipahibalo ni Dr. Jeffrey Ibones, ang Cebu City Health Officer, nga adunay mga vaccination sites nga nagmingaw gumikan kay sa gihapon adunay mga tawo nga mamili ug bakuna.
Matud pa, sagad sa mga muduol sa vaccination site kay magpa-booster shot apan sa gihapon mamili kung unsa ang iturok nga bakuna, butang nga dili sila niini makapamugos.
Sigon ni Ibones nga sa 40 ka mga vaccination sites, bugtong ang Robinson’s Galleria ug SM Seaside lang ang naka-average ug 200 ngadto sa 300 ka mga nagpabakuna.
Magsugod sa alas 8 sa buntag ug mahuman ug 4:30 sa hapon ang naasoy nga vaccination sa syudad sa Sugbo.
