CEBU – Niluwat og subpoena ang Land Transportation Office sa Central Visayas (LTO-7) sa tag-iya sa sakyanan nga nakadasmag sa 13-anyos nga tinun-an sa high school sa Barangay Basak, dakbayan sa Lapu-Lapu.
Nagkanayon si LTO-7 regional director Victor Caindec nga ila nang giila ang tag-iya base sa plaka sa maong sakyanan.
Matod ni Caindec nga human niini makita ang insidente sa social media, nihimo dayon kini og motu propio investigation
Nagdumili hinuon pagbutyag si Caindec kon kinsay tag-iya sa sakyanan samtang nagpaabot sa ilang imbestigasyon.
Nahitabo ang insidente niadtong Lunes, Nobyembre 14, 2022, ala 1 sa hapon diin makita sa usa ka CCTV footage nga gi-post sa Facebook nga mitabok ang biktima sa dalan pinaagi sa pedestrian lane ug sa ulahi nabangga-an sa usa ka sports utility vehicle.
