CEBU CITY-Magsugod na karong adlawa, Septiyembre 4, 2023 ang one-stop shop sa Cebu City hall dakbayan sa Sugbo.
Nagkanayon nga ang mga kontraktor dili na kinahanglang moagi og ‘taas nga proseso’ sa pagkuha sa ilahang construction ug building permits, ug uban pang certificates sa city hall.
Nasayran nga gipasiugda sa Office of the Building Official (OBO) ang one-stop shop aron mapalambo ang proseso sa pagkuha og construction permit ug uban pang mga sertipiko.
Matud pa nga gimandoan ni Cebu City Mayor Michael Rama si Architect Florante Catalan, OBO head, lakip ang ubang department heads nga dili na niya palabihon ang ‘physical interaction’ alang sa construction permits.
Asoy pa ni Catalan nga ang tumong ni Rama nga mas paspas ang transaksyon sa aplikasyon sanglit makuha na sa aplikante ang ilang permit nga wala pa’y usa ka oras.
Subay sa joint memorandum circular sa Department of Interior and Local government, diin nipagawas og usa ka mekanismo sa koordinasyon sa OBO ug ubang mga buhatan nga gikatakdang sugdan karong adlawa.
Kasamtangang nakig-alayon usab ang OBO head sa Human Resources Development Office sa dakbayan alang sa mga gipang-assign nga mga personahe sa paggamit sa ‘digital signatures’ aron malikayan ang mga delayed applications og kon gani wala ang department head nga gitugotan sa pagpirma.
