AFP, magpadala ug mga bag-ong defense attaché sa China

METRO MANILA-Gihangop ni Armed Forces of the Philippines (AFP) Chief of Staff General Romeo Brawner Jr. ang umaabot nga Defense and Armed Forces attaché (DAFA) nga ipadala sa AFP sa lain-laing mga nasud, sa ilang courtesy call gahapong adlawa sa AFP General Headquarters sa Camp Aguinaldo.

Kini naglakip nila ni: Kapitan Arnold Fortin, umaabot nga DAFA sa China; Colonel Michael Ramil Cabusas, incoming Assistant DAFA to China; ug Col. Ronald Gaboy, umaabot nga DAFA sa Vietnam.

Sa pakighinabi ni Gen. Brawner ngadto sa mga DAFA, gihatagan niya sila og “guidance” aron mapalambo ang relasyon sa AFP sa ilang tagsa-tagsa ka host country.

Matod ni AFP Public Affairs Office Chief Colonel Xerxes Trinidad, ang mga DAFA nagsilbi nga “point of contact” sa mga langyaw nga nasud sa mga isyu sa depensa ug seguridad nga may kalabotan sa Pilipinas.

Dugang pa ni Trinidad nga ang deployment sa mga DAFA kabahin sa pasalig sa AFP nga ipakaylap ang “maayong kabubut-on” ngadto sa ubang mga nasud isip kabahin sa internasyunal nga depensa ug pakiglambigit sa seguridad sa militar.