Kapin sa 100 ka buhing bitin, gitago sa karsones sa usa ka lalaki, gidakop

SHENZHEN, CHINA-Gidakop ang usa ka lalaki sa Shenzhen, China human niini gitipigan ang mga buhing bitin nga mokabat sa kapin 100 sa iyang karsones nga plano niyang ipalusot sa Hong Kong.

Matud sa China Customs nga ilang nadiskubrehan ang mga bitin dihang ilang gipangkapkap ang suspek ug miingon una sa mga opisyal nga wala siya’y bitbiton.

Apan, sa pagkapkap niini napuno sa lain-laing klase sa bitin ang mga pouch nga gigamit sa lalaki. Apil na niini ang milk snake ug corn snake nga dili lumad sa ilang nasud.

Nakita usab nga halos wala na’y lugar ang mga bitin sa sudlanan nga gisulod pa sa hugot nga bulsa sa karsones.