Gerald Anderson, gipasidunggan sa Philippine Coast Guard tungod sa iyang pagtabang atol sa bagyong ‘Carina’

Giila sa Philippine Coast Guard (PCG) ang aktor nga si Gerald Anderson sa pagtabang sa mga naapektuhan sa bagyong Carina sa National Capital Region.

Gihatag ni PCG Commandant CG Admiral Ronnie Gil Gavan sa Philippine Coast Guard (PCG) ang “search and rescue medal”, sa iyang boluntaryong mga paningkamot sa pagtabang sa mga biktima sa Bagyong Carina.

Ang nasangpit nga pasidungog isip pag-ila sa aktor sa pagtabang sa rescue operation atol sa kataas sa bagyo nga maoy hinungdan sa lapad nga pagbaha.

Nagpasalamat og maayo ang aktor sa coast guard ug nanghinaot nga buhaton usab sa ubang tawo ang tabang nga iyang gihimo atul sa kalamidad.