Nisaad ang Department of Justice (DOJ) sa publiko nga si bisan kinsa nga nalambigit sa online sexual abuse and exploitation of children (OSAEC) kay manubag sa balaod.
Matod ni National Prosecution Service Officer-In-Charge Richard Anthony D. Fadullon, nga siguruhon sa ilang ahensya nga mapriso ang tanang sad-an sa maong matang sa kalihokan.
Gani ang madakpan kay ipailalom sa mga pagdungog sa korte ug pasakaan og kaso ubos sa Department Circular 15 ug 20.
Samtang, niining miaging semana usa ka langyaw nga graphic artist ang nag-livestream sa gatusan ka mga batan-on nga gilugos sa Pilipinas.
Dinhi nahibaw-an sa mga otoridad nga iyang gibayran ang mga sad-an nga manglugos sa mga babaye nga nag-edad ug 5 hangtod 10 anyos ug dayon ipakita kini sa audience.
