Gikompirmar sa Office of the Vice President nga ang ilang chief of staff nga si Undersecretary Zuleika Lopez, mibiya sa nasod alang sa usa ka “personal” trip.
Matod sa OVP, ang maong opisyal gikatakdang mobalik sa nasod sa tunga-tunga sa Nobyembre ning tuiga.
Gipasabot sa buhatan sa bise presidente nga ang flight ni Lopez gibendisyonan ni Bise Presidente Sara Duterte.
Ingon man nga gisumiter usab ni Lopez ang nawala nga mga dokumento nga gikinahanglan alang sa usa ka opisyal sa gobyerno sa pagbiyahe.
Kon kahinumdoman, nagpahigayon og hearing ang House good government and public accountability committee kalabot sa isyu sa Confidential and Intellengence Fund sa OVP ug DepEd.
Dinhi nahipos ang impormasyon nga si Lopez mibiya sa nasod sakay sa biyahe paingon sa Los Angeles.
Una nang gihangyo sa komite ang Department of Justice nga mag-isyu og look out bulletin batok sa pito ka mga opisyal sa OVP.
Ang Justice Department niingon nga wala silay derogatory record o warrant of arrest diin nagpasabot nga dili maka-issue ang DOJ og look out bulletin nga gipangayo sa komitiba pinaagi sa BI.
