CEBU CITY-Nakaangkon og samad sa nawng ug pangos sa tuhod ang 87-anyos nga lola human kini naatrasan sa usa ka taxi driver kinsang mikanaog pa sa iyang unit apan mibalik kini og sakay ug dayong sibat.
Makita sa CCTV footage ang pagkahapla ni Lola ug tanang panghitabo, ingon man ang plate number sa taxi hinungdan nga dali ra kini nga nasubay.
Gani, gipatawag ang taxi driver sa Traffic Enforcement Unit (TEU) sa Cebu City Police Office human naatrasan sa iyang taxi ang naglakaw nga lola sa pedestrian lane sa Ramos St. Brgy Santa Cruz, Dakbayan sa Sugbo.
Apan, sa wala pa ang taxi driver nga misurrender sa TEU, kay personal nga gibisita sa kabanay sa biktima ang opisina sa taxi driver aron i-report ngadto sa TEU.
Matud sa apo ni Lordes Dabon, nga si Cherry Dabon nga tungod sa iyang pagkadismaya ug kalagot iyang gi-post ang nakuha nga CCTV footage.
Ingon man nga naluoy usab kini sa driver nga usa usab ka senior citizen apan possible nga mopasaka sila og kaso ingon man ma-rebook iyang lisensya kung unsa man ang ilang masabutan nga desisyon aron mahimo kining pagtulun-an sa ubang mga driver.
Giila ang taxi driver nga si Danny Vilagunzalo, 61-anyos.
Samtang sa habig sa driver nga si Danny Vilagunzalo, 61-anyos nga wala siya makakita kang lola og wala kini niya gituyo diin nagsalig lamang siya sa left side mirror ug wala sa center mirror hinungdan nga sa dihang pag-atras niini kay nakuratan nalang siya nga aduna nay nilagubo sa luyo nga bahin sa iyang taxi.
Dugang usab niini nga misibat kini tungod sa kahadlok nga makulatahan sa kabanay sa biktima.
