CEBU CITY- Nagmalinawn ang nahitabong “National Rally for Peace” sa relihiyosong pundok sa Iglesia ni Cristo (INC) ngadto sa Cebu South Road Properties niadtong Enero 13, 2025.
Matod pa sa Cebu City Police Office (CCPO) Deputy City Director for Operations Police Lt Col Maria Theresa Macatangay nga ang mga miyembro sa INC kay gikan sa nagkadaiyang bahin sa Central Visayas sa probinsya sa Sugbo ug Bohol.
Kapin 200 ka mga kapulisan ang gipakatap sa maong kalihokan sa pagsiguro sa kaluwasan nga inabagan sa mga force multipliers gikan sa City Disaster Risk Reduction and Management Office (CDRRMO) ug Cebu City Transportation Office (CCTO).
Gibana-banang miabot sa sobra 45,000 ang mitunga sa maong kalihukan diin nag-agak kini sa mensahe sa pagkontra sa pag-impeach kang Bise-Presidente Sara Duterte-Carpio.
Sa eksklusibong pakighinabi sa Bombo Newsteam kang Cebu City Councilor Joel Garganera diin gipamahayag niini nga walay dakong kasamok atol sa rally, tungod kay ang mga lider sa INC misaad sa pagmonitor ug pagmintinar sa disiplina sa ilang mga sakop.
