Gikabalak-an karon sa United Nations AIDS agency ang posibilidad sa pagsaka sa ihap sa mga indibidwal nga nangamatay tungod sa HIV ug AIDS.
Sumala sa ahensya sa UN, basi sa ilang mga banabana, kini makaapekto sa 6 ka milyon nga mga tawo sulod sa sunod nga upat ka tuig.
Kini kung dili mausab ang desisyon ni US President Donald Trump ug ang iyang posisyon nga nagpabilin nga tangtangon ang tanan nga global nga pondo alang sa programa.
Gumikan ang nahimong desisyon ni Trump kay panguna nga nakaapekto sa kaugmaon sa mga treatment programs sa UN AIDS.
Basi sa datos, hangtod sa usa ka milyon ka dolyar ang gi-hold karon sulod sa 90 ka adlaw subay sa direktiba ni US President Trump.
Kini nga gidaghanon sa posibleng kamatayon tungod sa AIDS ug HIV katumbas sa 400% nga pagtaas.
subay kini sa bag-ong palisiya sa administrasyon ni Trump diin ipailalom niini ang tanan nga mga foreign-aid programs sa usa ka bug-os nga pagsusi sa ilawom sa “America First” nga palisiya nga gipatuman niini.
