Giakusahan sa Chinese Embassy nga nakabasi sa Manila si US Ambassador to the Philippines MaryKay Carlson nga daw wala gitagad ang mga kamatuoran ug nagpakaylap ug bakak nga mga taho bahin sa mga engkwentro tali sa usa ka Chinese Navy helicopter ug usa ka eroplano sa Bureau of Fisheries and Aquatic Resources (BFAR) duol sa Bajo de Masinloc.
Ang Embahada nihimo sa pamahayag human gikondenar sa US Ambassador ang delikado nga pagduol sa usa ka Chinese Navy helicopter nga miabot sulod sa 3 metros sa usa ka PH aircraft atol sa naandan nga maritime patrol niini sa maong kadagatan.
Ingon man nga nanawagan si Amb. Carlson China nga hunongon ang pagpamugos nga mga aksyon niini ug sulbaron ang mga panaglalis nga malinawon basi sa internasyonal nga balaod.
Apan, ang Chinese Embassy niinsister nga lehitimong operasyon lang ang ilang gihimo sa dihang ang Philippine aircraft giingong nisulod sa territorial airspace nga walay pagtugot.
Gidugang niini nga ang bisan unsang rhetoric o aksyon nga giingong nagpadasig sa Pilipinas sa pagpadayon sa giingong ilegal nga pag-angkon sa teritoryo pinaagi sa provocation ug “staged incidents” kay gingong walay kapuslanan.
Una nang giklasipikar sa Philippine Coast Guard ang insidente sa Scarborough Shoal, nga anaa sa 200 nautical miles sa exclusive economic zone sa atong nasud, isip labing delikado nga aksyon sa China sa gilalisan nga kadagatan, nga nagbutang sa mga personahe ug mga journalists sa CG sa peligro sa BFAR aircraft.
