MANDAUE CITY-Nakatala na sa pinakaulahing ihap ang kagamhanang buhatan sa Mandaue City Social Welfare and Service (CSWS) og kapin 86 ka mga pamilya ang hilabihang apektado sa sunog nga mitumaw sa Sitio Papaya ug Mangga sa Barangay Ibabao-Estancia niadtong Biyernes sa gabii, Marso 7, 2025.
Kini ang gipahibalo ni Dina Lou Jamero, ang assigned Social Worker for Disaster Operations sa Mandaue CSWS sa eksklusibong pakighinabi niini sa Bombo Newsteam.
Matod pa nga ang datos nga ilang nahipos kay gikan sa ilang profiling sa mga nasunogan ngadto sa temporary shelter niini sa evacuation center sa Barangay Ibabao-Estancia.
Dugang pa nga sa 86 ka mga pamilya kay gilangkoban kini sa 352 ka mga indibidwal nga mailing bakwit sa maong panghitabo.
Sa pagkakaron, nakapang-apod na ang Mandaue CSWS og hinadlaing hinabang sa mga biktima sama sa disaster kits ug init nga pagkaon kaabag ang mga personahe sa Mandaue City Disaster Management Office.
Ingon man nga padayon gihapon ang paghatag sa kagamhanang dakbayan sa Mandaue sa tabang sa mga biktima sa sunog uban sa mga midonar usab nga mga pribadong indibidwal og mga grupo.
===============
LOCAL 4
-Pink Corner sa usa ka mall, gilusad sa kagamhanang dakbayan sa Mandaue
Subay sa pagsaulog sa National Women’s Month karong buwan sa Marso, gilusad sa kagamhanag dakbayan sa Mandaue ang “Pink Corner” sa usa ka mall sa maong syudad.
Gitukod ang Pink Corner sa Parkmall, Mandaue City nga gipasiugdahan sa City Helath Office, Women of Mandaue Against Breast Cancer, Ramon Aboitiz Foundation Inc. (RAFI), ug Department of Health (DOH).
Kini nga programa kay agig paghatag og accessible healthcare para sa mga kababaynhan ilabi na ang mga screening programs nga gikinahanglan sa pagsuta a kahimtang sa ilang panglawas.
Nagdalit kini og mga libreng serbisyong medical sama sa Breast Examination, Papsmear, HIV Testing, RBS, Uric Acid, Cholesterol Testing, Mental Health Examination, ug Pneumococcal Vaccination.
Ang kagamhanang dakbayan kay nagdasig sa mga babaeng residente niini sa pagkonsulta sa maong kalihokan nga nahimutang sa 2nd Floor sa Government Center Hallway sa maong mall.
Abli ang Pink Corner kada adlaw nga Sabado sa tibuok buwan sa Marso gikan sa ala-1 sa hapon hangtud alas 5 sa kilumkilum.
Gitambongan ang maong pag-abli sa maong kalihokan kagahanapong adlawa, Marso 8 nila Mandaue City Councilors Maline Cortes-Zafra ug Cynthia Cinco-Remedio.
