CEBU CITY- Gikompirma ni Dr. Alice Utlang , ang pangu sa Department of Veterinary Medicine and Fisheries (DVMF), nga ang presyo sa mga palitonon, labi na sa isda kay taas-taas ang pagsaka.
Atol sa pakighinabi kang Dr. Utlang, didto iyahang gisaysay nga ang presyo sa isda wala gayuy pagkunhod, ilabi na nga sa panahon sa Semana Santa.
20 pesos hangtud sa 50 pesos ang pagsaka sa matag klase niini.
Pero iyaha usab nga giklaro, nga taliwala sa mga pagsaka sa presyo, kini magpabilin gihpon nga “affordable” alang sa mga konsyumedor.
Sa pikas bahin, isip pangu sa DVMF, nagpahinomdom usab siya sa mga “pet owners” nga magmatngon sa ilahang mga kahayupan ilabi na karon nga ang init nag lagiting.
Dugang pa niya, og mahimo, mag permamente nga magbalon og tubig ilimnon alang sa ilahang mga kahayupan, bisan paman ilaha kining dalhon sa ilahang mga lakaw o ilabi na gayud og ibilin kini sa ilahang tagsa tagsa ka panimalay.
Subay niana, og mamahimo, magbilin gayud og tubig daplin sa dalan, buhan adunay madon-don ang mga “stray dogs” ning panahon sa tumang kainit. ( Bombo Irene Ardiente)
