Gisupak sa Malacañang ang pamahayag ni Bise Presidente Sara Duterte nga gipulitika ang direktiba ni Presidente Ferdinand Marcos Jr.
Matod ni Palace Press Officer USec. Claire Castro, dili tinuod ang pasangil sa Bise Presidente tungod kay ang mga kustomer sa nahisgutang water service provider maoy nagreklamo sa kabus nilang serbisyo.
Gitataw ni Castro nga ila nang gipaabot ang maong mga pamahayag gikan sa Bise Presidente tungod kay dili na sila makapaabot og maayong mga pulong gikan niya nga pabor kang Presidente Marcos ug sa kasamtangang administrasyon.
Gipaabot usab sa Palasyo nga kanunay nga gamiton ni VP Sara ang pasangil o depensa sa mga politiko nga dili direktang motubag sa mga isyu.
Gisusi ni VP Sara ang iyang pahayag niadtong 2023 bahin sa mga confidential funds nga gigasto sa 11 ka adlaw lang, nga giingon nga sayo pa kaayo aron mapolitika.
Gipangutana ni USec Castro kon makonsiderar usab nga pamolitika ang mga nahibaw-an sa COA kalabot sa wala masulbad nga mga transaksyon sa panalapi sa DepEd.
Gihagit ni USEc Castro si VP Sara nga i-level up ang bisan unsang diskusyon sa Bise Presidente, basi sa katarungan ug datos, ug dili mogamit og dili maayo nga sinultihan o pagpamalikas.
Gihatagan og gibug-aton sa Opisyal sa Palasyo nga obligasyon sa gobyerno ug Presidente ang pagtubag sa tanang mulo sa katawhan hinungdan nga gimando ang imbestigasyon sa PrimeWaters.
Gisugdan na karon sa Local Water Utilities Administration (LUWA) ang imbestigasyon sa kontrobersiya nga naglambigit sa Prime Water.
Ang maong imbestigasyon gimando ni Presidente Ferdinand Marcos Jr. nunot sa mga reklamo sa mga kustomer sa maong water service provider.
Matud pa ni Castro nga daghang mga kustomer ang naghilak tungod sa ilang dili maayong serbisyo.
Nasayran nga ang PrimeWater adunay 73 ka joint ventures sa local water districts sa nagkadaiyang dapit sa nasud.
Kasagaran sa mga nagreklamo gikan sa Bulacan, Cavite, Laguna, Pangasinan ug Bohol.
Si Castro nagdumili sa pagtug-an kon unsa ang posibleng silot sa maong water service provider.
