CEBU CITY-Temporaryong gatukod og panimalay ang sobra 40-ka mga pamilya sa Brgy. Mabolo Cebu City, ngadto sa North Reclamation Area, human gipapahawa pinaagi sa court ordered demolition sa nakalabayng buwan.
Napugos sa paghawa ang mga residente sa Sitio Laray Holy Name, human kini napakyas sa civil case nga gipasaka sa mga pribado nga mga tag-iya sa mga luna nga ilang gihimutangan.
Matud sa pangulo sa Division for the Welfare of the Urban Poor Ronald Anthony Librando, nga gitugotan ang mga apektado nga pamilya nga gamiton ang luna sa Block 27, apan limitado lamag sa pagtukod gamit ang light materials.
Dugang pa niini nga makadawat og tag 30 mil-pesos ang mga apektado nga pamilya gikan sa lokal nga kagamhanan sa dakbayan, kini subay sa paningkamot sa lokal nga kagamhanan nga suportahan ang marginalized communities ug pagpangita og solusyon alang sa mga residente.
Sa pikas bahin, gikatakda usab sa City Government nga mopalit og usa ka ektarya nga luna sa Barangay Pit-os, nga magsilbi nga permanenteng relocation site sa mga apektado nga pamilya. | Bombo Nathaniel Sandoval
