CEBU CITY- Giduso karon ni Cebu City Mayor Nestor Archival Sr. ang pagtukod sa dedicated Muslim sector sa Cebu City Medical Center.
Kini kabahin sa paningkamot nga mapalapad sa komunidad sa Muslim ang serbisyong panglawas.
Ang inisyatiba kay giisa atol sa courtesy call ni Malaysian Ambassador to the Philippines His Excellency Abdul Malik Melvin Castelino niadtong Miyerkules, Hulyo 16 sa Cebu City Hall uban ang mga opisyales sa Malaysian government ug private sector.
Ang proposal ni Mayor Archival kay nagsangga sa hangyo sa residenteng Muslim sa dakbayan sa Sugbo kinsa nangita og mga serbisyo sa pag-atiman sa panglawas nga angay sa ilang kultura sama sa pagdalit og Halal foods ug uban pa.
Gani ang CCMC sa pagkakaron kay nagpabiling under construction, gihimug-atan ni Mayor Archival sa sulod sa iyang administrasyon ang pag-resolbar sa pagpalambo sa pasilidad sa tambalanan aron masiguro nakaserbisyo kini sa diverse communities sa dakbayan.
Samtang gidawat ni Ambassador Castelino ang sugyot ug gipasalig ang mayor nga andam moabag ang nasod nga Malaysia.
