Gipasakaan og bag-ong kaso nga may kalabutan sa iyang napakyas nga pagdeklarar sa martial law niadtong Disyembre ang naprisong kanhi Presidente sa South Korea nga si Yoon Suk-yeol.
Kini taliwa sa nagpadayong imbestigasyon sa iyang pagpatuman sa martial law.
Ang mga bag-ong kaso ni Yoon naglakip sa obstruction of justice pinaagi sa pag-abuso sa awtoridad, pagmando sa pagtangtang sa mga rekord ug pagbabag sa serbisyo sa paghatod sa mga warrant of arrest.
Nag-atubang si Yoon sa husay sa mga kaso sa insurreksiyon, nga adunay silot nga kamatayon o tibuok kinabuhi nga pagkabilanggo, ug nag-atubang og dugang nga mga kaso sukad gitudlo ang usa ka special prosecutor niadtong Hunyo aron sa pagkuha sa kaso batok kaniya.
Sa iyang bahin, si Yoon kay hugot nga mihimakak sa tanang pasangil batok kaniya diin ang defense team niini wala pa magkomento bahin sa mga bag-ong kaso.
Kahinumdoman nga ang gi-impeach nga kanhi presidente sa South Korea natanggong na sa Seoul Detention Center sukad sa sayong bahin sa Hulyo ug gibasura kaniadto sa korte ang hangyo sa iyang kampo nga buhian siya.
