Nagpahigayon ang National Irrigation Administration og assessment sa mga proyekto sa irigasyon sa nagkalain-laing dapit sa nasud.
Kini taliwala sa kusog nga pag-ulan ug kaylap nga pagbaha sukad sa epekto sa Typhoon Crising sa miaging semana hangtod sa kasamtangang epekto sa habagat.
Gipangulohan ni NIA Administrator Engr. Eddie G. Guillen ang assessment ug giila ang kasamtangang kahimtang sa dagkong mga dam ubos sa pagdumala sa NIA.
Diin gitumbok ang kahimtang sa mga proyekto sa irigasyon, mga kanal, ug uban pang mga istruktura nga gigamit sa sistema sa irigasyon sa nasud.
Sa samang higayon, gimandoan na ni Admin. Guillen ang matag NIA Regional Manager sa tibuok nasod sa pagsumiter sa ilang tagsa-tagsa ka Typhoon Damages Reports gikan sa ilang tagsa-tagsa ka mga area of responsibility.
