Emosyonal nga giangkon sa 22-anyos nga content creator ug aktres nga si Bea Borres nga wala niya damha nga mahimo siyang inahan sa ingon ka batan-on nga edad, apan malipayon siya ug naghinam-hinam sa pag-abot sa iyang unang anak.
Matud pa niya nga bisan og dili pa siya andam, misaad kini nga mahimong labing maayong inahan alang sa iyang umaabot nga anak.
Sa wala pa ang gender reveal party, gipili ni Bea nga ipa-email una ang gender sa bata aron maka-private moment siya uban sa iyang anak.
Bisan unsa pa ang gender, matod niya nga ang importante luwas ug himsog ang iyang baby.
Gipaambit usab ni Bea kung unsa siya ka mapasigarbuhon sa iyang kaugalingon sa pagbuntog sa mga hagit sa pagmabdos ug gitawag ang iyang anak nga labing dako nga gi-ampo sa iyang kinabuhi.
Dugang pa niya nga gipahibalo niya ang balita sa iyang pamilya ug suod nga mga higala, ingon man nga emosyonal usab ang iyang suod nga higala nga si Andrea Brillantes sa maong balita.
Malipayon usab nga gipahibalo ni Bea nga low-risk ang iyang pagmabdos ug luwas na ang kahimtang niya ug sa bata.
