Gipasalig ni kanhi kongresista ug Chief Communications Officer sa Office of the Speaker Robert Ace Barbers nga bug-os gihapon ang pagsalig ang mga kongresista kang House Speaker Martin Romualdez.
Kini nunot sa panawagan ni Navotas Rep. Toby Tiangco alang sa “total overhaul” sa liderato sa Kamara.
Matod ni Barbers nga tingog sa kasagmuyo ang pamahayag ni Tiangco ilabi na kay napakyas siya sa pagsiguro sa Speakership o ang gamhanang posisyon sa chairmanship sa Appropriations sa pagsugod sa 20th Congress.
Giinsister ni Barbers nga ang tinuod mao nga ang tanang lider sa partido ug ang supermajority coalition pabiling pasalig ug suportahan si Speaker Romualdez.
Gidugang usab niini, nagpabiling kompiyansa ang mga magbabalaod kang Speaker Romualdez bisan pa sa pressure nga nalambigit siya sa anomalya sa flood control projects.
Ingon man nga nipasalig si Barbers nga dili maapektuhan ang House of Representatives sa bisan unsang intriga tungod kay klaro ang ilang misyon.
Gitataw usab sa kanhi kongresista nga dili total overhaul ang gikinahanglan sa Kongreso kondili padayon nga pagtrabaho aron makahimo og dugang mga balaod nga makaayo sa katawhan.
