Naka-hightend alert status na ang kapulisan sa Mandaue City Police Office alang sa nationwide protest ug sa posibleng pag-ulbo niini sa dakbayan sa Mandaue.
Matud ni PCol. Mercy Villaro, ang tigpamaba sa MCPO nga padayon ang ilang pagpahigayon og mga coordination meeting sa nagkandaiyang ahensya alang sa gilauman nga lihok-protesta.
Diin lakip sa naka red alert status ang Special Weapons And Tactics (SWAT) ug City Mobile Force Company.
Ingon man, adunay mga naka-stand by nga mga preserve personnel sa headquarters og kon gani kinahanglan og enforcement kay anaa dayon kini nga ma-deploy.
Sa pagkakaron, wala pa’y nadawat ang kapulisan nga mga grupo nga mopahigayon o moapil sa kalihokan ugmang adlawa apan nipasalig kini nga andam ang ilang buhatan og kon gani unsa ang mga mahitabo subay sa national rally batok sa kurapsyon.
