Niabot si VP Sara Duterte sa Medellin, Cebu gahapon sa gabii, Oktubre 1, 2025 aron personal nga susihon ang kahimtang sa mga naapektuhan sa 6.9 magnitude nga linog nga niigo sa Sugbo niadtong Setyembre 30, diin ang epicenter niini mao ang Bogo City, Cebu.
Sa pag-abot sa bise presidente, nagdala kini og mga hinabang gikan sa Office of the Vice President, ug gisugdan ang pagpanghatag niini sa mga relief goods, sa San Remigio Sports Complex, Municipality of San Remigio, Cebu Province.
Gi abi-abi usab kini ni Mayor Edwin Salimbangon samtang ang mga lokal nga opisyal nagpadayon sa pagtubag sa mga panginahanglanon sa mga residente.
Sa sayo pa, ang Office of the Vice President (OVP) Disaster Operations Center, uban sa OVP Cebu, Bohol, ug Siquijor Satellite Office, nipahigayon og relief operations sa San Remigio, usa sa mga lungsod nga grabeng naigo sa linog.
Dili mominos 271 ka pamilya ang nakadawat og food packs atol sa distribution nga gipahigayon sa maong Sports Complex.
Dugang pa, ang mga opisina sa satellite sa OVP sa Eastern Visayas, Panay, ug Negros Islands gibutang sa standby aron mahatagan ang posible nga pagdugang sa mga kapanguhaan aron suportahan ang mga paningkamot sa pagtabang.
Ang presidente kasamtangang anaa sa probinsya sa Sugbo aron moluwat og pahasubo sa mga biktima, ug magpibilin gihapon kini karong adlawa sa Sugbo aron sa pagpadayon sa pagsuta sa kahimtang sa naasoyng dapit.
