-- ADVERTISEMENT --
Luwas nga nakauli na ang napulo ka mga seafarer nga kabahin sa mga tripulante sa usa ka cargo ship nga giatake sa usa ka wala mailhi nga grupo sa Gulf of Aden.
Matud ni Migrant Workers Secretary Hans Leo Cacdac ug sa United Kingdom Maritime Trade Operation nga ang naasoy nga Netherlands-flagged cargo vessel nga MV Minervagracht kay naigo sa usa ka projectile nga maoy hinungdan sa pagkasunog.
Gikompirmar usab ni Cacdac nga bisan luwas na ang tanang tripulante, duha ka Pinoy ang naangol sa maong insidente.
Nakit-an ang cargo ship 120 nautical miles gikan sa Yemeni Port City sa Aden, nga nagdala og 19 ka mga tripulante, pulos mga Russian, Ukrainians, Sri Lankans, ug Filipinos.
