Gikumpirmar sa hepe sa Public Information Office sa Philippine National Police nga si Police Brigadier General Randulf Tuaño niadtong Sabado, Disyembre 20, nga ang resulta sa autopsy sa namatay nga kanhi DPWH USec. Catalina Cabral ipagawas karong adlawa.
Bisan pa, giklaro sa usa ka opisyal sa PNP nga walay DNA test nga gihimo sa dihang gipailalom sa autopsy ang lawas sa kanhi opisyal.
Mahinumduman nga ang pamilya sa kanhi opisyal sa DPWH misupak sa pagsumiter sa patayng lawas alang sa autopsy, apan sa ulahi nitugot na kini.
Si Cabral usa sa mga importanteng personalidad nga nalambigit sa kaylap nga eskandalo sa korapsyon nga may kalabotan sa mga proyekto sa pagkontrol sa baha sa Bulacan.
Ingon man nga nakit-ang patay si Cabral human giingong nahulog sa usa ka bangin duol sa Bued River sa Kennon Road sa Tuba, Benguet sa gabii sa Huwebes, Disyembre 18.
