Misaka ang net external liabilities sa Pilipinas og 7.1% gikan sa P3.5 trilyon sa unang quarter (Q1) ngadto sa P3.7 trilyon sa Q2 2025, sumala sa pasiunang datos sa Balance Sheet Approach (BSA).
Ang pagtaas gipahinabo sa mas taas nga external financing sa mga non-financial corporation sa porma sa equity ug investment fund shares, ingon man ang pagtaas sa utang sa gobyerno ngadto sa mga nonresident.
Nasayran mikunhod usab ang pamuhunan sa CBangko Sentral sa debt securities nga giisyu sa mga langyaw.
Para sa mga korporasyon, ang mga pautang nagpabilin nga pangunang instrumento sa pagpondo, gisundan sa equity securities, nga adunay tulo ka kwarter sa kinatibuk-ang liabilities gikan sa ubang bahin sa kalibutan ug mga depository corporation.
Sa bahin sa gobyerno, ang net debtor position midako tungod sa pagtaas sa mga holdings sa government securities sa mga nonresident, financial corporation, ug depository corporation.
Kapin sa 70.1% sa mga obligasyon sa gobyerno ang denominated sa domestic currency, nga nakatabang sa pagpakunhod sa epekto sa mga pag-usab-usab sa peso exchange rate.
Ang BSA, nga gihimo sa IMF niadtong 2002, gigamit aron mabantayan ang posibleng mga kahuyangan sa ekonomiya pinaagi sa pagsusi sa kinatibuk-ang mga kabtangan ug mga utang sa matag sektor.
