Gipaambit sa Bureau of Corrections (BuCor)nga ang sobra nga kahuot sa mga prisohan sa Pilipinas mikunhod og 69 porsyento.
Sumala ni BuCor Director General Gregorio Catapang Jr., gikan sa 356% nga kahuot, mikunhod kini ngadto sa 287% tungod sa pagpagawas sa 10,000 ka mga piniriso sa 2025.
Nahisgotan usab ni Catapang ang dakong pagbalhin sa halos 14,000 ka mga binilanggo ngadto sa New Bilibid Prison, nga karon mas organisado ug dili kaayo huot.
Sa unang tulo ka tuig sa administrasyong Marcos Jr., dul-an 18,000 ka mga persons deprived of liberty (PDLs) ang gibuhian human makompleto ang ilang mga sentensiya, 5,000 ang nakadawat og parole, ug 4,000 ang napamatud-ang inosente.
Gi-report usab ni Catapang nga gusto nilang mag-abli og pasilidad nga “Supermax” sa Occidental Mindoro nga adunay kinatibuk-ang badyet nga P6 bilyon gikan sa 2026 hangtod 2028.
Dugang pa, usa ka akademya sa koreksyon ang tukuron usab sa Tanay, Rizal, aron mapataas ang lebel sa propesyonalismo ug kahibalo sa mga kawani niini.
