Gihatagan og katin-awan ni PltCol. Jose Los Baños, ang tigpamaba sa Cebu City Police Office (CCPO) kabahin sa pagbabag ug pagsikop sa sakop sa kapulisan sa pipila ka mga indibidwal niadtong Enero 29, 2026 human nagpahigayon og motorcade.
Matod ni Los Baños, gibabagan sa mga kapulisan kadtong kalihokan tungod kay nagpahigayon kini og motorcade rally o motorcade protest nga walay permit.
Gidugang og pagtataw ni Los Baños atoll sa ekslusibong pakighinabi sa Bombo Radyo Cebu newsteam kaniya nga giklaro na sa kapulisan niadtong tungura nga nagconduct motorcade protest nga walay existing permit sa maong kalihokan.
Samtang, kagabii, Enero 31, ekslusibong nahinabi usab sa Bombo Radyo Cebu newsteam si Jun Abines ang usa sa mga convenor sa Duterte Supporters nga nipahigayon sa motorcade rally, gikuwestiyon niya, ingun man sa mga Duterte Die hard Supporters ang pagbabag og pag-sikop niini sa mga sakop sa kapulisan atol sa pagpahigyon og motorkada sa mga Duterte Riders sa kadalanan sa dakbayan sa Sugbo, ug nibutyag nga nipahigayon sila sa motorcade sa usa ka freedom park.
Apan, gitino ni Los Baños nga wala sa usa ka freedom park ang maong panghitabo, kondi nahitabo kini sa Jose L. Briones Street, Brgy. Carreta, Cebu City, basi sa taho sa Police Station 2.
Gidugang usab ni Los Baños nga si Jun Abines mao ang usa sa mga indibidawal nga gikuptan sa kapulisan kay giingong siya ang pangu niining aktibidad.
Ingun man iyang giklaro usab nga walay harassment nga nahitabo atol sa pagsikop ug tinarung nga pinaagi ang ilahang implementasyon sa pagpangsikop.
Kahinomdoman nga ang mga Duterte Die hard Supporters nipahigayon og motorcade rally niadtong Enero 29, 2026 taliwala sa nagpadayon nga ASEAN Forum sa Sugbo.
